~! Non-Stop Bait-Baazi !~

Subject: ~! Non-Stop Bait-Baazi !~ Sat Jun 30, 2007 9:28 am

First topic message reminder :

Assalam-o-Alaikum Friendsss ...

Jahan Baat ho Shair-o-Shairy ki Wahan Shairana Gugtagooo Mian Moqabala Baazi nah ho ...
Yeh Taqreeban Na-Mumkin hai ...
Aur agar Main Ghalat Nahi tou ...
Shair-o-Shairy ke Section ki Zeenat Ko Paaya-e-Takmeel Tak Pahonchaanay ke Liyeee Aisa Thread laamzi hona Chaheyeee ....

For Instance :
' Bait Baazi '

I am sure Aaap nay kaheen nah kaheen kissi nah kissi tarah ki koee nah koee Qism ki Bait-Bazi khaili Ho Giii ...
Yeh Tarah ki Biat Baazi hai .. Yeh Janay ke Liyee Baray-e-Meharbaani Rules ko Ghour say Parhayee :

Rules
- Bait Bazi Urdu ke Alphabets say Shoron ki Jayee Gii ...
Jiss ke Motabiq .. Aaap say Opper Post kya hoye Shair ka Aaakhiri Harf Saay aap ko Agla Shair Karna hai ...
Aur Yeh Harf Urdu Alphbets ke Hisaab say Hona Chaheyee

- Aaap Aik post karnay ke Baad tab tak Dosara Shair nahi Likh saktay -
Jab Tak ke Koee Dosaree Post nahi ki Gayee ho with Shair

- Aaap say Guzarish hai ke Yeh Bait-Baazi ka section .. So Behter hai Yahan Shairana Andaaz main Gugtagoo ho ...
Matlab ke Shair ke Baad diyaa Giya Shair Opper walee post ka Jawab bhi ho Sakta hai ...

- Magar Baraye-e-Meharbaani ...
Shairana Gugtagoo ke Doraan Aapnay IrdGird Main Majood Loogon ka khayal Rakhaye ga

I Hope Samajh aa Gayee ho Gii ... So Lets Make a Start

First Shair

Rabb Nay Meray Jo Kahi, Woh Baat Hai Meray Hoonton Pay
Jin Main Tou Bassa Hia, Woh Lakeerain Hain Meray Haathon Main

Therefore, Ab Next Harf hai
'Noon'

Looking Forward to Ur Participation ...

Best Regardsss

Subject: Re: ~! Non-Stop Bait-Baazi !~ Tue Aug 07, 2007 4:15 pm

nahii.n nigaah me.n manzil to justajuu hii sahii
nahii.n visaal mayassar to aarazuu hii sahii

na tan me.n Khuun faraaham na ashk aa.Nkho.n me.n
namaaz-e-shauq to vaajib hai be-vazuu hii sahii

Subject: Re: ~! Non-Stop Bait-Baazi !~ Thu Aug 09, 2007 3:02 pm

ishq kii baazii kabhii ham se lagaa kar dekhiye
ik baar to aaNkheiN milaa kar dekhiye!

dhaRkanoN kii is machaltii raginii par aap bhii!
dheeme dheeme, halke halke, gungunaa kar dekhiye

Subject: Re: ~! Non-Stop Bait-Baazi !~ Tue Aug 14, 2007 4:33 pm

ek muddat hu_ii ek zamaanaa huaa
Khaak-e-gulashan me.n jab aashiyaanaa huaa

zulf-e-baraham kii jab se shanaasaa_ii hu_ii
zindagii kaa chalan mujremaanaa huaa

Subject: Re: ~! Non-Stop Bait-Baazi !~ Thu Aug 16, 2007 3:23 am

Ae Mard e Mujaahid jaag zara
Ab waqt e shahadad he aaya

(is time yehi yaad aa raha he )

Subject: Re: ~! Non-Stop Bait-Baazi !~ Thu Aug 16, 2007 5:18 pm

aa.Nkh ko jaam samajh baiThaa thaa anjaane me.n
saaqiyaa hosh kahaa.N thaa tere diivaane me.n

jaane kis baat kii un ko hai shikaayat mujh se
naam tak jin kaa nahii.n hai mere afasaane me.n

Subject: Re: ~! Non-Stop Bait-Baazi !~ Thu Aug 16, 2007 11:53 pm

Na karo bhool kr kisi se koi salook esa
Jo koi tum se krta, tumhein nagawaar hota...

Subject: Re: ~! Non-Stop Bait-Baazi !~ Sun Aug 19, 2007 4:39 pm

aaj kyaa dekhaa Khalaao.n ke sunehare Khvaab me.n
reg_zaaro.n ke sivaa kuchh bhii nahii.n mah_taab me.n

jab se pahanaa hai naye mausam ne zaKhmo.n kaa libaas
phuul se khilane lage hai.n diidaa-e-Khuunaab me.n

N

Subject: Re: ~! Non-Stop Bait-Baazi !~ Fri Aug 24, 2007 8:10 am

Na woh husn mein rahi shokhian na woh ishq mein rahi garmiaan
Na woh ghaznavi mein tarap rahi na woh kham hai zulf-e ayyaz mein

Noon

Subject: Re: ~! Non-Stop Bait-Baazi !~ Fri Aug 24, 2007 3:09 pm

Nafrat ka guman guzray hay main rashk say guzra
kiyoun kar kahon lo naam na un ka meray aagay!
y

Subject: Re: ~! Non-Stop Bait-Baazi !~ Fri Aug 24, 2007 8:38 pm

ye aish-o-tarab ke matavaale bekaar kii baate.n karate hai.n paayal ke Gamo.n kaa ilm nahii.n jha.nkaar kii baate.n karate hai.n

naahak hai havas ke ba.ndo.n ko nazzaaraa-e-fitarat kaa daavaa
aa.Nkho.n me.n nahii.n hai betaabii diidaar kii baate.n karate hai.n

N

Subject: Re: ~! Non-Stop Bait-Baazi !~ Fri Aug 24, 2007 10:18 pm

Na Tha Kuch To Khuda Tha, Kuch Na Hota To Khuda Hota
Daboya Mujh Ko Honay Nay, Na Hota Main To Kiya Hota
Hova Jab Gham Say Youn Bay-Hiss, To Gham Kiya Sir Key Katnay ka
Na Hota Ger Juda Tunn Say, To Zaano Pay Dhara Hota

Subject: Re: ~! Non-Stop Bait-Baazi !~ Fri Aug 24, 2007 11:20 pm

aashiyaa.N jal gayaa gul_sitaa.N luT gayaa ham qafas se nikal kar kidhar jaaye.nge
itane maanuus sayyaad se ho gaye ab rihaa_ii milegii to mar jaaye.nge

aur kuchh din ye dastuur-e-maiKhaanaa hai tashnaakaamii ke ye din guzar jaaye.nge
mere saaqii ko nazare.n uThaane to do jitane Khaalii hai.n sab jaam bhar jaaye.nge

Y

Subject: Re: ~! Non-Stop Bait-Baazi !~ Sat Aug 25, 2007 2:57 pm

Ab k jub ous say milain gay to kaheen gay kia kia
Buss yehi sochtay din raat guzar jatay hain

Subject: Re: ~! Non-Stop Bait-Baazi !~ Sun Aug 26, 2007 1:45 am

na kisii kii aa.Nkh kaa nuur huu.N na kisii ke dil kaa qaraar huu.N
jo kisii ke kaam na aa sake mai.n vo ek musht-e-Gubaar huu.N

na to mai.n kisii kaa habiib huu.N na to mai.n kisii kaa raqiib huu.N
jo biga.D gayaa vo nasiib huu.N jo uja.D gayaa vo dayaar huu.N

Subject: Re: ~! Non-Stop Bait-Baazi !~ Sun Sep 02, 2007 9:18 am

Na kuch tha to Khuda tha na kuch hota to Khuda hota
Daboya mujh ko hone ney na main hota to kaya hota

Subject: Re: ~! Non-Stop Bait-Baazi !~ Mon Sep 03, 2007 1:15 am

apni halat ka nahi ihsas
ouron say suna hai pareshan hun main

New Friend Number of posts : 28 Registration date : 2007-08-04

Nah idher odher ki too baat kar, Bata yeh qaafla kion lutta
Mojhay raah-zano ki khabar nahi, Tere rahbari say sawal hai

Subject: Re: ~! Non-Stop Bait-Baazi !~ Wed Sep 05, 2007 8:11 am

Yeh Jo Dil Sey Nazuk Tar hAi Pehlay Eik Pathar Ka BUtt Thi
SadiyOn Yeh Aankhien ROii hAin SadiyOun Tak Bheegi hAi Mitti

Subject: Re: ~! Non-Stop Bait-Baazi !~ Thu Sep 06, 2007 12:13 am

Is daur ki zulmat main har qalb-e parayshaan ko...
Woh daagh-e muhabbat day jo chand ko sharma day

Subject: Re: ~! Non-Stop Bait-Baazi !~ Fri Sep 07, 2007 4:48 pm

youn hota hai taray naam sa ujaalla dil main

chandni sa chamak uthta ha bayabaan jaisa...

i dedicate this 4 ALLAH g

Subject: Re: ~! Non-Stop Bait-Baazi !~ Fri Sep 07, 2007 11:26 pm

Apni Wafaon Ka Anjam Wafa Chahti Hoon.
Main Teri Mohabbat Ki Intiha Chahti Hoon.

Subject: Re: ~! Non-Stop Bait-Baazi !~ Sat Sep 08, 2007 12:10 am

Ne Teeeron se Na Talwaaroon se
Hum cake Kat'tay hain Knife se !!

Wa wah wah

Subject: Re: ~! Non-Stop Bait-Baazi !~ Sat Sep 08, 2007 1:30 am

aik mudat say meri soch ka mehwer tu hai,
aik mudat say meri zaat ka anwar tu hai,
main teray piyar kay sahil main khari hoon tanha,
meri ulfat meri chahat ka samandar tu hai.

Subject: Re: ~! Non-Stop Bait-Baazi !~ Sat Sep 08, 2007 11:11 pm

ye inaayate.n Gazab kii ye balaa kii meharabaanii
merii Khairiyat bhii puuchhii kisii aur kii zubaanii

meraa Gam rulaa chukaa hai tujhe bikharii zulf vaale
ye ghaTaa bataa rahii hai ki baras chukaa hai paanii

Subject: Re: ~! Non-Stop Bait-Baazi !~ Sun Sep 09, 2007 11:33 pm

is Shart pe Khelon ga priya pyar ki bazi !!!!!
jeetoon tu tumhe paon, haaron tu priya tera