Shaery Hojaaey

Subject: Shaery Hojaaey Sat Feb 23, 2008 7:43 pm

1. In Chahaton Nay Hi Tu Ujaari Hai Har Basti Yahan
Ek Shaksh K Jaanay Say, Shehar, Veraanay Nahin Hotay
Nicharta Hai Lahu, Mathoon Say Un K, Dekho Tu Zara
Merey Door Main Qatil K, Hath, Dastaanay Nahin Hotay

2. Agar Naqaab Ulaat Doon Tamaam Chehroon Say
Tu Merey Shehar Ka Ek Shaksh Bhi Shareef Nahin

3. Aaj Kal Ki Larkiyan Hussn Pay Naaz Karti Hain
Pehla Kalma Aata Nahin, English Main Baat Karti Hain

4. Dard Itna Hai K Har Rag Main Hai Mehshar Barpa
Aur Sakoon Aisa K Mar Jaanay Ko Jee Chahata Hai

5. Humraah Chalo Merey Ya Raah Say Hat Jao
Dewaar K Rookay Say Dariya Kahin Rookta Hai

6. Shab-E-Wisaal Hai Gul Kar Do Sab Chiraaghoon Ko
Khushi Ki Bazm Main Kia Kaam Jalnay Waloon Ka

7. Mujhay Tujh Say Milnay Ki Taqdeer Nazar Aaye
Mujhay Apnay Pairoon Main Zanjeer Nazar Aaye
Jitnay Aansoon Bahaye Teri Yaad Main
Har Aansoon Main Tasveer Teri Nazar Aaye

8. Hum Ko Gali Main Dekh Kar Khud Ko Chupa Lieya
Jaanay Yeh Dushmanoon Nay Ussay Kia Seekha Diya
Ghar Us Nay Kia Banaaya Masjid K Saamnay
Chahat Nay Us Ki Hum Ko Namazi Bana Diya

9. Paanay Say Khoonay Ka Maza Aur Hai
Band Aankhon Main Roonay Ka Maza Aur Hai
Aansoo Banay Lafz Aur Lafz Banay Ghazal
Aur Us Ghazal Main Terey Honay Ka Maza Aur Hai

10. Daagh Gham Ka Dil Say Mitaya Na Gaya
Hum Nay Laakh Chaha Par Bhulaya Na Gaya
Koi Poochay Un Say Woh Khud Roothay Hain
Ya Hum Say Manaaya Na Gaya

Subject: Re: Shaery Hojaaey Sun Feb 24, 2008 7:59 pm

booohat khob sis....

Subject: Re: Shaery Hojaaey Mon Feb 25, 2008 3:12 pm

beautiful

9. Paanay Say Khoonay Ka Maza Aur Hai
Band Aankhon Main Roonay Ka Maza Aur Hai
Aansoo Banay Lafz Aur Lafz Banay Ghazal
Aur Us Ghazal Main Terey Honay Ka Maza Aur Hai

Subject: Re: Shaery Hojaaey Sat Mar 29, 2008 12:06 am

. Agar Naqaab Ulaat Doon Tamaam Chehroon Say
Tu Merey Shehar Ka Ek Shaksh Bhi Shareef Nahin

SUPRB SIS