Hawa ko likhna jo aa gaya hai....
Ab uss ki merzi k wo khizan ko bahaar likh de
Bahaar ko intizar likh de
Safar ki khwahishon ko wahimon ke azaab se hum kinaar likh de
wafa ke raaston per chalne walon ki qismaton main ghubaar likh de
Hawa ko likhna jo aa gaya hai ....
Hawa ki merzi k wasal k mosam main hijr ko hissa daar likh de
Mohabbaton main guzerne wali raaton ko ne-paidaar likh de
Hawa ko likhna jo aa gaya hai ....
Ab uss ki merzi k hamare diye bujha ker
Shabon ko ba-ikhtiyaar ker k seher ko be-aitabaar likh de
Hawa ko likhna sikhanay walo
Hawa ko likhna jo aa gaya hai
( Noshi Gilani )
Tue Feb 19, 2008 1:22 am
