~*~ Sir Na Dastaar Ki Hifazat Kar~*~
Sir Na Dastaar Ki Hifazat Kar
Apne Kirdaar Ki Hifazat Kar
Nazron K Mehal Ko Ghirnay Day
Dil Ki Diwaar Ki Hifazat Kar
Rakh Kar Is Jaan Ko Haathaili Par
Apni Iqdaar Ki Hifazat Kar
Saray Gulzaar Ka Muhafiz Bun
Phool Khaar Ki Hifazat Kar
Chaoun Daitay Hain Jo Musafir Ko
Aisay Ashjaar Ki Hifazat Kar
Yeh Buhat Qimati Khazana Hai
Gham K Anbaar Ki Hifazat Kar
Bus Yehi Baat Tujh Se Kehni Thi
Chasm Bai-daar Ki Hifazat Kar
Saari Baaton Ko Chord Kar Tariq
Apne Iqrar Ki Hifazat Kar
Thu Jan 10, 2008 4:55 am
