| Aur me mar gaya...., Khud Kalaami | |
|
|
Author | Message |
---|
~Haya~
Number of posts : 3306 Location : ~Chand par~ Registration date : 2007-08-03
| Subject: Aur me mar gaya...., Khud Kalaami Mon Aug 20, 2007 2:11 am | |
| Aaj yun lag raha hai jaise main apni maiyet ko apne kandhon par liye chala ja raha hoon ...!!! Koyi aasra dene waala nahi koyi sahaara dene waala nahi ...!!! Na kisi ne mera janaza uthaya na kisi ne namaaz parhai ..!!! Tan Tanha ... Main chal diya bas ...!!! Marr gaya main ..!!! Thori door chala tha ke ik Qabristan nazar aaya main ne wahan ka rukh kiya..!!!!
Dekha tau Qabristan mein bohat jagah thi ..... Main bhi apne hissey ki jagah dekh kar apni Qabr ko khodna shuroo ho gaya ..!!!! Jab Qabr taiyaar huwi aur main Qabr mein utarney laga tau aawaz aayi ...!! "Kaun ho ? kahaan se aaye ho? aur kyun zinda dafan kar rahe ho khud ko" ?
Main ne kaha.. " AashiQ hoon, Jahaan-e-IshQ se aaya hoon .... Aur Main aaj jeete jee marr gaya ...!!! Isi liye khud ko dafan karne aaya hoon ... "
Qabr ne kaha.. " Chaley jaao yahaan se ... Main tum ko nahi rakh sakti ... Tum tau AashiQ ho tumhara tau imaan mohabbat tha na ... Tumhara tau jahaan mohabbat tha ... Tum wohi ho jis ne junoon se chaha tha kisi ko ... tum wohi jo jis ne pooja tha kisi ko ... tum wohi ho jo din raat bas mohabbat mohabbat karta tha ... tum wohi ho jo har saans mein uss ka naam liya karta tha, tum wohi ho jis ki nass nass mein bas wohi mohabbat thi tumhari ...!! Tum wohi ho jis ka maQsad bas mohabbat tha, tum wohi ho jis ne Mohabbat ki khatir sab kuch bhula diya tha ...
Tum wohi ho ... Haan tum wohi ho ... Jo tumhein rakh liya main ne tau kya ho ga jaante ho ? Tum murda jism se bhi usi ka naam pukaaro ge .. Tum maro ge nahi... Tum aashiQ ho, kabhi ishQ bhi marta hai kya? tum meri mitti se mitti ho jaao ge par ishQ tumhara woh zinda rahe ga, tum mere paas nahi aa sakte.. jaao ..!!!"
Qabr ne mujh se itna kuch keh diya keh main hairaan khara dekhta raha ... kuch kehne ko nahi tha ... Socha ke haan main tau aashiQ hoon, mujhe Qabr kaise Qubool kare gi ... Qabr tau murdon ko Qubool karti hai mera ishQ tau zinda rahe ga... Main ne yehi soch kar phir sawaal kar daala,
" Koyi tau raasta ho ga na ... Tum mujhe marne do ... Koi tau raasta nikalo mujh ko batao main wohi karta hoon ..!!! "
" Raasta kaisa raasta tumhara ishQ marr nahi sakta ... Kya tumhari mohabbat choar sakti hai tum ko ? "
Main muskuraya aur kaha .... " Chor diya .... Meri mohabbat ne aaj mujhe chorh diya, mujh se apna munh morh liya .. Tabhi tau marne aaya hoon warna uss ke saath main tau jitne bhi saal, jitne bhi din, jitne bhi lamhey, jitne bhi janam mil jayein woh kam hain "
Qabr zor se mujh par hansi ...!! aur kaha
" Jeete jee marr jaye ga soch le "
Main Qabr ke iss jawaab par phir kuch keh na saka aur uss ka seena chaak kar ke let gaya ... Apne haathon se khud par mitti daalne laga ... Main ...Main Be-Bas sa mehsoos kar raha tha ke kisi ne mujhe dafnaya bhi nahi ... Khair mitti daalta raha Qabr musal'sal Qeh'Qahey laga rahi thi ... Aur main .. Be-hiss ban kar mitti khud par dalta jaa raha tha..!!! Aansoo tham nahi rahe they ...!!! Behtey ja rahe they shayed ek ek Qatrey mein mera lahoo tha ... Aur uss lahoo ki ek ek boond mein Usi ka ishQ, Usi ki mohabbat shaamil thi ...
Daf'nana khud ko kis Qadar mushkil hota hai, zindagi mein pehli aur aakhri baar tajurba kar raha tha main .. Woh musalsal yaad aaye ja rahi thi..!!!! Sooraj dhala main apne upar manon mitti phenk chuka tha bas meri Aankhon ka hissa baaQi tha keh achanak koyi thokar aayi ... Aur kuch mitti meri aankhon par aan giri ... Par jab dekha tau meri mohabbat meri Qabr par khari thi ..!!!
Wohi mohabbat meri jo meri nass nass mein sama chuki thi ... Wohi mohabbat meri...Ke jis par mujh ko maan tha mujh ko fakhr tha .. Wohi mohabbat meri jo mera junoon mera ishQ thi .. Woh jo mere naaz uthaya karti thi ... Wohi mohabbat meri jo mere dil ko apni Hatheliyon mein chupaya karti thi ... Usi mohabbat ne aaj thokar se .. .Meri Qabr ko pur kar diya ..!!! Aur munh morh kar chal di...
Meri saans ghutna shuroo huwi ... Aankhein bojhal si ho gayin ... Aur phir jaane kis lamhey Uss ki woh thokar yaad aayi ... Dil mein dard utha ... Shiddat itni ke shayed seene mein hi toot gaya phoot gaya.... Aur Main Marr Gaya... | |
|
| |
Khushboo
Number of posts : 7996 Location : Venus Registration date : 2007-07-25
| Subject: Re: Aur me mar gaya...., Khud Kalaami Tue Aug 21, 2007 11:33 pm | |
| Bahut khoob sis...Bahut hi khoob ! Mohabbat cheez hi aesi hai ke..jaan de tho khoob deti hai aur jab maarti hai tho ek pal meiN maar deti hai Thats a beautiful portrayal sis...par kar mazaa ageya | |
|
| |
~Haya~
Number of posts : 3306 Location : ~Chand par~ Registration date : 2007-08-03
| |
| |
Khushboo
Number of posts : 7996 Location : Venus Registration date : 2007-07-25
| Subject: Re: Aur me mar gaya...., Khud Kalaami Sun Aug 26, 2007 2:08 am | |
| | |
|
| |
Ajnabi
Number of posts : 5345 Age : 39 Location : In Hearts Registration date : 2007-06-30
| Subject: Re: Aur me mar gaya...., Khud Kalaami Mon Aug 27, 2007 7:23 pm | |
| hmmmmmmmmm Very Nice N Touchy | |
|
| |
~Haya~
Number of posts : 3306 Location : ~Chand par~ Registration date : 2007-08-03
| |
| |
Xtremist
Number of posts : 3216 Age : 35 Location : Pakistan Registration date : 2007-08-26
| Subject: Re: Aur me mar gaya...., Khud Kalaami Thu Aug 30, 2007 11:14 pm | |
| Buhat khoob Baji g. nice sharing. keep it up | |
|
| |
~Haya~
Number of posts : 3306 Location : ~Chand par~ Registration date : 2007-08-03
| Subject: Re: Aur me mar gaya...., Khud Kalaami Thu Sep 27, 2007 12:42 am | |
| | |
|
| |
Xtremist
Number of posts : 3216 Age : 35 Location : Pakistan Registration date : 2007-08-26
| Subject: Re: Aur me mar gaya...., Khud Kalaami Sat Sep 29, 2007 10:08 am | |
| Nice Sahring. Keep it up. Allah Humain Moot se pehle or waisay b tooba karne ki tofeeq ata farmain (Ameen). | |
|
| |
Sponsored content
| Subject: Re: Aur me mar gaya...., Khud Kalaami | |
| |
|
| |
| Aur me mar gaya...., Khud Kalaami | |
|