Lab Py Ati Hai Dua Bun K Tamana Meri
Zindagi Aish Se Kat Jaiy Khudaya Meri
Ho Mera Kaam Zamanay May Wazarat Karna
Isi Mansab, Isi Kursi Ki Ibadat Karna
Gaaliyaan Sun K Na Dil Ho Parishaan Mera
Kisi Jalsay Main Na Ho Chaak Garubaan Mera
Koam Bhokhi Rahay Nangi Rahay, Bimaar Rahay
Haan Magar Meri Sawari Ko Nai Car Rahay
Ho Election Main Hamesha Mera Pala Bahari
Or Ho Koam Se Poshida Meri Ayari
Mere Qabzay May Sada Mulk Ki Jahgeer Rahay
Koam K Lab Py Faqat Naara -E- Takbeer Rahay
Din Karachi May Katay, Shab Ho Washington May
Aik Ghari Roos May Ho Or Aik Ghari London May
Baikasoun Or Zahifoun Ki Ho Shamat Har Dam
Haan Magar Wazarat Ho Salamat Har Dam
Ehlay Dolat Ki Ata Mujh Ko Mohabat Kar Day
Mere Maalik! Meri Rag Rag May Siyasat Bahr Day
Roo -E- Iqbal se Mahzrat. Collection from Newspaper.