I know this is a poem but is meiN kahaani hai..aur bahut dukhi si..
Ghareeb Baap
Ghareeb Baap Ko Dekha Buhat Taras Aaya
Laga K Seenay Say Bachhon Ko Us Nay Samjhaya
Mujhay Pata Hai K Tu Nay B Kuch Nahin Khaya
Bata K Be Bassi Bachhon Ko Us Nay Behlaya
Kaha K Beta Malik K Paas Jaaon Ga
Tumharay Waastay Khanay Ko Rooti Laon Ga
Tumhari Maa B Safar Main Judda Hui Mujh Say
Main Apnay Dard Ki Faryaad Ab Karon Ki Say
Lehad Pay Ja K Tera Haal Main Kehon Us Say
Main Us Say Poochon Ga Naraz Kion Hui Tujh Say
Main Apni Halaat-E-Ghurbat Ussay Bataon Ga
Main Us Say Keh K Gaya Tha Dawai Laon Ga
Batao Baba Kia Wapas Na Amma Aaye Gi
Jo Pyaar Karna Ho Hum Ko Kahan Say Paye Gi
Kia Merey Waastay Rooti Nahin Banaye Gi
Woh Keh Rahi Thi Khilonay Humain Dilaaye Gi
Kaha Machal K Khilonay Ka Ab Na Bolay Ga
Khilonay Hum Hain Hum Hi Say Zamana Kheley Ga
Main Hoon Ghareeb Tujhay Kia Bataon Merey Laal
Ho Chand Paisey Tu Khana Le Aaon Merey Laal
Tera Naseeb Main Kaisey Sajaon Merey Laal
Tumhari Maa Ko Main Kaisey Bulaon Merey Laal
Bina Ilaaj K Hoti Na Woh Judda Mujh Say
Main Kia Jawab Doon Pochay Ga Jo Khuda Mujh Say
Seenay Pay Apnay Baap K Masoom So Gaye
Bahon Main Bahen Daal K Ghurbat Main Kho Gaye
Do Din Ki Bhook Say Woh Kamzoor Ho Gaye
Tanhai Apnay Baap Ki Kismat Main Bo Gaye
Baba Ka Pyaar Pa Kay Woh Nashaad Ho Gaye
Ghurbat Ki Is Zameen Say Woh Aazaad Ho Gaye
Kab Tak Laga K Seenay Say Bachay Sulaon Ga
Armaan Apnay Bachhon K Kab Tak Mitaon Ga
Khana Nahin Mila Tu Main Kaisey Jagaon Ga
Jhooti Tassalian Main Kab Tak Dilaon Ga
Us Ko Pata Nahin K Woh Barbaad Ho Gaya
Bachhon Ki Fikar-O-Sooch Say Aazaad Ho Gaya
Khilaon Kahan Say Rotti Main APnay Laal Ko
Rooti Khila Day Koi Merey Nou-Nay-Haal Ko
Haathon Say Nouchta Raha Woh Apnay Baal Ko
Chantay Laga Raha Tha Woh Apnay Gaal Ko
Rooti Kahan Say Laon Kuch Soojta Nahin
Haaye Meri Ghareebi Koi Poochta Nahin
Do Rooti Laya Bachhon Ko Bechara Badnaseeb
Shaanay Hila K Bachhon Say Kehnay Laga Ghareeb
Beta Tumhari Bhook Mitaon Ga An Qareeb
Harqat Na Ho Saki Tu Roonay Laga Ghareeb
Chaati Ko Peet Kar Woh Mitti Urra Raha Tha
Rooti K Tukray Un K Moo Say Laga Raha Tha
Bachhon Say Haath Joor Kar Bola Aye Merey Laal
Bachhon Merey Kion Kartay Nahin Tum Koi Sawal
Tum Ko Khilonay Laon Ga Uth Jao Merey Laal
Haathon Ko Choomta Tha Kabhi Choomta Tha Gaal
Mar Jaon Ga Main Tanha Agar Saath Na Raha
Tujh Ko Khilonay Laon Ga Baba Mujhay Keho
Lashay Urra K Bachhon Ki Be-Gor-Bay-Kafan
Maa Ki Lehad K Paas Unhain Kar Diya Dafan
Kaisey Louta Ghareeb Ki Ghurbat Ka Yeh Chaman
Lori K Badlay Bachhon Ko Deney Laga Nazam
Fri Nov 23, 2007 9:09 pm
